කරාපිටිය රෝහලේ විශේෂඥ වෛද්‍යවරුන්ගේ රථගාලේ වෙනත් වෛද්‍යවරුන් ඔවුන්ගේ මෝටර් රථ නතර කිරීම සම්බන්ධයෙන් පසුගිය කාලයේදීද විවිධ ගැටළු නිර්මාණය වුනා. තවමත් නිමාවී නොමැති එම ගැටළුකාරී තත්වය හේතුවෙන් අද (05) දිනයේදීද කරාපිටිය රෝහලේ විශේෂඥ වෛද්‍යවරයෙකු විසින් තවත් වෛද්‍යවරයෙකුට පහරදීමක් සිදු කර තිබෙනවා.
තුවාල ලැබු වෛද්‍යවරයා කරාපිටිය රෝහලේ හදිසි ප්‍රතිකාර ඒකකයට ඇතුළත් කළ බව රජයේ වෛද්‍ය නිලධාරීන්ගේ සංගමය ප්‍රකාශ කළ අතර රජයේ වෛද්‍ය නිලධාරීන්ගේ සංගමයේ කරාපිටිය රෝහල් ශාඛාවේ නිලධාරීන් සඳහන් කළේ මේ සම්බන්ධයෙන් ගතයුතු ක්‍රියා මාර්ග පිළිබඳව සාකච්ඡාවක් පවත්වන බවයි.එසේම අදාළ වෛද්‍යවරයාට එරෙහිව නිතිය ක්‍රියාත්මක කරන ලෙස රෝහල් අධ්‍යක්ෂවරයාගෙන්ද ඉල්ලා සිටින බවද ඔවුන් සඳහන් කළා.
No comments:
Post a Comment